NAFASI YA KAZI

KKKT- Dayosisi Mashariki ya Ziwa Victoria       

S.L.P 423 Mwanza

Tel/Fax + 255 28 2540674                                                     

Barua pepe: info@elct-elvd.org

Tovuti: www.elct-elvd.org

Taarifa kuhusu DMZV: Dayosisi Mashariki ya Ziwa Victoria ni moja kati ya Dayosisi 27 za Kanisa la Kiinjili la Kilutheri Tanzania. DMZV inajumuisha mikoa miwili ya Mwanza na Geita.

DIRA YA DMZV: ‘Kuungana katika Kristo ili ufalme wa Mungu utawale.

DHIMA YA DMZV: Kueneza Injili ya Yesu Kristo kwa maneno na matendo kwa watu wote katika mikoa ya Mwanza, Geita na kwingineko. KKKT-DMZV inamiliki shamba lenye ukubwa wa ekari 1000 katika wilaya ya Kwimba mkoani Mwanza. Uongozi wa Dayosisi unatangaza nafasi ya kazi moja (1) kwa nafasi ya Meneja wa Shamba:

NAFASI YA KAZI: Meneja wa Shamba (1)

      MAHALI PA KAZI: Shamba la Malya - Kwimba

      ATARIPOTI KWA: Mkuu wa Idara ya Mipango na Uwekezaji

WAJIBU WA MENEJA WA SHAMBA:

·       Kuandaa mpango na ratiba za kilimo, kupanda na kuvuna katika shamba

·       Kusimamia na kuhakikisha kuwa watumishi wote katika shamba wana uelewa wa ratiba za kazi

·       Kuhakikisha kuwa mbegu, mbolea, dawa za kuulia wadudu na vifaa muhimu vya shamba vinapatikana kwa wakati na kutunzwa vizuri

·       Kusimamia na kutunza shamba, mali na miradi iliyopo katika shamba

·       Kupokea na kutunza fedha zinazopatikana kupitia shughuli za shamba na kuhakikisha zinahifadhiwa benki na kuepuka kutumia fedha mbichi

·       Kudhibiti visumbufu vya mazao na mimea

·       Kukusanya takwimu za bei na mazao ya shamba

·       Kuandaa taarifa ya utekelezaji ya shamba ya kila miezi mitatu 3, mpango kazi wa mwaka na kuiwasilisha kwa mkuu wa Idara ya mipango na uwekezaji

·       Kuhakikisha kuwa uzalishaji wa mazao kwenye kitalu (greenhouse) unafanyika muda wote

·       Kutafuta masoko ya bidhaa za shamba na kuhakikisha mazao yanafika sokoni kwa wakati

·       Kufanya kazi zingine utakazopangiwa na Mkuu wako wa kazi.

SIFA ZA MWOMBAJI:

·       Shahada/Stashahada ya kwanza ya kilimo au shahada ya Sayansi aliyejiimarisha katika mchepuo wa kilimo au fani inayoendana na hiyo kutoka kwenye chuo kinachotambulika na serikali

·       Uzoefu usiopungua mwaka mmoja (1) katika kazi.

·       Uzoefu wa vitendo katika shamba na ustadi katika uendeshaji na kutunza vifaa/mitambo ya kilimo

·       Cheti cha mafunzo katika Kilimo, Uendeshaji wa Mashine, Dawa n.k

·       Ujuzi katika matumizi ya kompyuta

·       Uzoefu katika Nyanja ya kilimo, uzalishaji wa mazao

·       Mkristo mwenye moyo wa kutumika Kanisani

·       Ujuzi wa kutumia kompyuta (word, Excel)

·       Umri usiozidi miaka 45

·       Ufanisi katika kazi na uwezo wa kufanya kazi Zaidi ya moja.

NAMNA YA KUTUMA MAOMBI:

Waombaji wenye sifa watume Barua za Maombi ya kazi, Vivuli vya Vyeti na Barua ya Utambulisho kutoka kwa kiongozi wao wa Dini kwa:

KATIBU MKUU,

KKKT – DAYOSISI MASHARIKI YA ZIWA VICTORIA

S.L.P 423

MWANZA.

                        KUPITIA BARUA PEPE: elctelvd84@gmail.com  

NB: Maombi yatakayowasilishwa kwa njia nyingine tofauti na barua pepe HAYATAPOKELEWA!

TAREHE YA TANGAZO: 16/03/2025

MWISHO WA KUTUMA MAOMBI: Ijumaa Tarehe 04/04/2025         SAA: 04:00 Asubuhi

ü  KKKT- DMZV inatoa fursa za ajira kwa watu wote wenye sifa.